Dr Stamm het wiider e Baiz am Basel Tattoo ka.
Wär vo de Altgardischte nit mitgholfe het – worum au immer -, isch wie allewyyl als Gascht in dr Wettstaibaiz willkomme gsi.
Vom 20. Juli 2016 bis em 30. Juli 2016 het e groosse Dail vo de Wettstainlemer an dr Tattoo-Street wiider in dr Wettstaibaiz gschafft oder konsumiert! Fir dr erschti Höhepunggt isch glyy gsorgt, will unsere Baize-Scheff Peter Schenk, wo e hervoragende Job mit sym OK gmacht het, am 22. Juli 2016 sy Gebuurtsdaag gfyyrt het. Dr diefseedaucher Adi het em Äärdbeeri-Daarte gspendiert und die wo im Dienscht gsi sinn, hänn em Happy Birthsday gsunge. Es het drotz em zytwyylige Stress e tolli Stimmig underenander gherrscht!
Do no e baar Impressioone:
Dr Peter Schenk isch nit nur e guete Baize-Scheff! Nääbe all sym Chrampf wo är ka het, het är mit vyyl Witz jede Daag per E-Mail alli Mithälffer mit ere Moorgeboscht motiviert! Peter was Du do glaischtet hesch isch aifach dr Hammer und scho gar nit sälbschtverständlig. Drotzdäm ka me numme gspannt sy, wie d Staigerig fir 2017 uusgseet!
Do e glains Danggerscheen an Peter Schenk mit ere Zämmefassig vo dr Moorgeboscht > > Basel-Tattoomorgepost 2016
E zwaiti Galerie voll Impressone:
