14. Rumpel-Boule-Turnier
Dräffpunggt bym Pavillon im Schützemattpargg
am Mäntig, 11. Juli 2016, 18.30h, aaschliessend
„Frindschaft pflääge, gmietlig sy im Schützehuus
Achtung es findet nur by scheenem Wätter statt!!!
E so sinn d Kuugele grollt!
Dr Petrus het s guet gmaint! Wulgge het är zwar uffzie, aber kai Rääge falle losse! Die gwitterige Windböe, wo d Kuugele hätte kenne verbloose, sinn au uusblyybe! E so het dr Gilles Kreis als Chef de Tournement alli Aawäsende – nei sinn au d Chambre Separée derbyy – begriesst und d Yydailig mit Zwaierteams fir die erschti vo drei Runde feschtglegt. Die wo zerscht uff siiebe Punggt ko sinn, hänn jewyyle gwunne! No de drei Runde hänn vier d Maximalpunggzaal ka und miesse mit aim Wurf dr Champion uusmache! Wie allwyyl isch s e Altgardischt vo dr Wettstai woorde, nämmlig zem zwaite Mool hinderenander dr Dätt Marti.
E harte lange Kampf!!
Jetzt goot s um e Uusstich zem dr Champion uuszmache.
Dr Rolf macht das sehr elegant, aber gnützt het s nüt!
No dääre schwere spoortlige Kuugelebänglete, het me im Schützehuus dr gmietligi Dail vo däm Oobe frindschaftlig abgschlosse.
