Zuugsdailnämmersitzig isch am achti Zoobe in dr Rumpelstuube.
An dr Zuugsdailnämmersitzig isch d Rumpelstuube wiider emool voll gsi. Dr Obmaa vo de Rumpler het d Sitzig pingtlig eröffnet und alli Aawääsendi vo de Glieebiire, dr Wettstai Alti Garde und de Rumpler begriesst. Denn het sich dr Dambuurmaioor vo de Rumpler in Väärsform zem Sujet güsseret und aaschliessend s Fasnachts-brogramm bikannt gää. Au dr Obmaa vo dr Wettstai Alti Garde het s Wort bikoo und zerscht dr Rolf Bidert ze syner fuffzigschte Fasnacht geert.
Aaschliessend het är no e baar Mitdailige unter d Lyt brocht, eb denn die baide Zeedeldichter vom Rumpelobmaa aakündet woorde sinn.
Zerscht dr Peter Habicht für d Wettstai Alti Garde.
No däm dr Fritz Peter Stähelin dr Zeedel vo de Rumpler vorglääse het, isch vom Rumpler Seggelmaischter die in dr Sujetfaarb aabassti Sau zem ufffülle umegää woorde. Es sell nit glingele het no epper gmaint. Do no e baar Foteli vo däm luschtige Oobe.
