Am Mäntig 01. Hornig 2016, 20.00h findet in dr Safruits
z Minchestai die zwaiti Indoor-Marschiebig statt.
Die zwaiti Marschiebig in dr Safruits under dr Laitig vo unserem Schlyffer isch no vyyl intensiver gsi, als die vor ere Wuche. Wie me uff däm Film ka gsee, het dr Christian uns e so richtig gschlyffe. Allwäg het är uns mit ere junge Garde verwäggslet!
https://www.youtube.com/watch?v=nlzxm3_wgqk
Fir die wunderbar aagrichtete und offerierte Kääsblatte e häärzlige Dangg em Peter Kolp. Dr Angelina e Danggerscheen fir d Fasnachtskiechli zem Dessert und em Gil-les e groosse Dangg fir d Gedrängg, dass mr nit alles so drogge hänn miesse aabe-schwängge! S isch e feyne und gmietlige Abschluss vo dr 2. Indoor-Marschiebig gsi.
