Summerstamm Alti Garde

Dr Aggtiv- und Bassivbyysitzer Peter Kraus hett wiider dä Summerstamm vo dr Alte Garde mit ere Stadtfierig organisiert. Die isch unter em Motto

Irrtümer und Aneggdoote

gstande.

D  Maja Reichenbach
vo de

hett seer luschtig, aber au mit vyyl Interessantem und Neuem is unser Basel wiider e weeneli nööcher brocht! Besammlet und aagfange hett d Fierig uff em Seibi vor dr Barfiesserkirche. Do isch u.a. d Aneggdoote zer Sprooch koo, wieso für gwüssi Lüt die asymmetrische Axe by dr Barfiesserkirche wichtig isch, wenn vom Kirchspitz oobe über s Gryz und s schmaale Fänschter sowie em Ändbooge vom gootische Fänschter zwische de baide Woope durab luegt.

Denne bym Brunne am Fuess vo dr Barfiesserblatz hett me erfaare, dass die Zwai wo uff dr Konsole oobe hogge Samson und Delila haisseund wieso d Delila e Scheer in dr Hand hett. Wenn dr Samson wüsst was für Frisu-re by de Männer im Joor 2019 modisch sinn, denn wär alles halb so schlimm!

Dr näggschti Halt hett amstattgfunde. Drotz em Hiiwyys uff em Stroosseschild sait das nit vyyl uus, wieso das Gässli sy Namme bikoo hett. Dä Strossenamme findet me in e Huffe dütschsproochige Städt in dr Innerstadt. Das hett d Maja seer uusfierlig verzellt. Em Münschter- Erbauer Heinrich II. syni keuschi Kunikunde, isch dooderbyy nit so guet ewäg koo.

Das isch dr Dreizaggbrunne an dr Freiestrooss am Fuess vom Münschterbäärg.
By däm Halt hett me vernoo, dass d Freie Strooss nit nur an dr Fasnacht, sondern syt jeehäär die Paradestreggi für d Basler isch. Hoffentlig isch dä wiider niechter, wo doomools bym präsentiere die ganzi Stroossebraiti bruucht hett.

Dr Münschterbäärg duruff an e weeneli Kunscht verbyy
hett uns d Maja usserhalb vom uursprünglige Fierigsablauff bym Münschterdie vier Figure linggs und rächts vom Hauptbortaal vorgstellt.
Die baide Statue stöön linggs vom Hauptbortaal. Linggs vom Fänschter isch die keuschi Kunikunde undrächts mit em Münschter in dr Hand dr Kaiser Heinrich II.
Und die zwai Statue stöön rächts vom Hauptbortaal.
Linggs vom Fänschter isch dr Herr der Welt mit sym verfiererische Bliggzer törrichten Jungfau uff dr rächte Syte.

An dr Auguschtinergass bym  Brunne het d Maja verzellt, wieso dä Baslisgg uff die Brunnekonsole koo isch und wo dä scho in däre Gass überall gstande isch.Am Rhysprung hett denn d Maja is verzellt, wieso für d Stadtfierer dä wyssi Pflaschterstai in dr Pfläschterig so wichtig isch.Am Martinskirchplatz stoot dr näggschti für d Baslergschicht so wichtigi Brunne. Uff däre Konsole stoot dr Henman Sevogel, wo mit syne 300 Maa vo Lieschtel anno 1444 by dr Schlacht vo Sanggt Jakoob gege d Armanake kämpft und gfalle isch. Vom Sevogel hett Maja au wiider e luschtigi Aneggdoote z verzelle kaa.S Martinsgässli ab
über e Määrt
in Innehoof vom Roothuus
isch es zerscht röömisch mit em Lucius Munatius Plancus und
denn no biblisch mit em Bild über s Jüngschte Gricht uus em Joor 1510 woorde.
Eebefalls hett d Maja die verschiidene Entsteeigsepoche vom Roothuus mit de verschiide faarbige Rootdöön erwäänt.Verwunderet hett au, dass die öffentlige Roothuusuhre erscht im Joor 1501 aabrocht woorde sinn, will bis denn die nur an de Gloggedüürm hänn döörfe hängge.
An dr Vorderhuusfassade uff em Määrt ka me die verschiidene Bauepoche glaarer gsee.

/                        3)                        /         2)         /             1)             /   3)   /
1) 1501 isch Basel dr Eidgenosseschaft byydrätte und hett denn kaini Koschte gscheut. Dr Groossroot hett 1503 e Neubau mit ere          Verbindig zem „PalAst der Herren“ bschlosse. Dä spootgotisch Mittelbau mit de drei Boogeyygäng isch vo 1504 bis 1514 entstande.
2) Zwüsche 1606 bis 1608 isch die nördlig aagräzendi „Vorderi Kanzley“ mit ere spootgotische Schyynarchiteggtur aabaut woorde.
3) Im Zämmehang mit dr Umgstaltig vom Määrtblatz, em Waggstum vo dr Stadt und dr neue Kantonsverfassig isch vo 1898 bis 1904 linggs dr Traggt mit em Erker und rächts mit em Duurm derzue koo.

Dr letschti Halt hett an dr Wysse Gass bym Gifthüttli stattgfunde.
Am Stirnlaade vom Dach hänggt döört dr schöönschti Lälleköönig vo Basel.D Maja hett aber no mee Aneggdoote über s Gifthüttli gwüsst.
Will d Maja und alli Zuehöörer langsam Durscht bikoo hänn hett me sich zem Ab-schluss via Imber- in s Pfäffergässli 11 by de Lepmure in dr Rumpelstuube yygfun-de. Was döört no gloffe isch kasch däm Video aaschliessend entnää. Vorhäär scho e riisigs Danggerscheen an Peter Kraus für s organisiere vom Summerstamm und an d Maja Reichenbach vo de Stadtfierer Basel für die lessig roggig Stadtfierig. Die ka me nur wyter empfääle. In dä Dangg sinn au d Hälffer für e gmietlige Dail in dr Rumpelstuube yygschlosse. Em Seggelmaischter vo dr Wettstai Alti Garde e grosses Merci für s Flüssige und die beleegte Bröötli ze Laschte vo dr Glyggekasse.

PS: In Ruggsprooch mit dr Stadfierere Maja Reichenbach isch uff die öffentlig Wiidergoob vo de Video vom Daniel Gross und eme uusfierlige Bricht über dä Summerstamm verzichtet woorde. D Maja maint uff Aafroog vom Webmaster dooderzue uus verständlige Gründ folgendes:

Wenn ych d Filmli im Vorfäld aaluege darf, drnoo seer gärn.
Ych möcht aifach nit e Blanco-Jo uusegää und drnoo e baar Sache uff em Netz finde, wo ych nit möcht. Doo goot s weeniger um myni Persoon als um dr Innhalt. Ych fänd s immer noo schön, wenn me nit all unseri Gschichte, wo mir uff unserer Fiehrige vrzelle online vorfinde wurd, sondern noo mit uns uff e Spaziergang koo muess.
Ganz e liebs Griessli Maja

D Video wäärde uff d DVD brennt und stoot no Wuntsch jedem als Wettstai Chronik 2019-2020 zer Verfiegig. E uusfierlige Bricht zem Summerstamm erschyynt im glyygeintäärne Wettstaiblatt.

Drotzdäm liebi Maja ha ych mir erlaubt das Video vom Abschluss in dr Rumpelstuube uff d Hompage z schalte, will Dy Dringgspruuch so guet gfunde ha. Ych hoff de bisch mr nit böös!
Ruedi alias Digge Pfyffer