Samschtig, 09. Abrille 2016, 14.ooh.
Dr Dräffpunggt isch uff em Lienertskirchblatz.
Die wytere Detail findsch in däre
PDF > > Yylaadig und Aamäldig Passyveaaloss Stamm und Alti Garde 2016
Dr Hanspi Bucher und dr Peter Kraus als Bassyvebesitzer vom Stamm und dr Alte Garde hänn dä Bassyvedaag organisiert. Dr Dräffpunggt isch vor em Yygang zer Lienertskirche gsi.
Dr Hanspi Bucher het dr Herr Christoph Philipp Matt kenne fir die Besichtigung und Fierig dur d Lienertskirche sälber und in dä gigantisch Dachstuel gwinne.
Wie dr Kontaggt entstande isch, het dr Hanspi uns by dr Begriessig im Mittel-schiff äggschbliziert.
No däm die zwai Gruppe bildet worde sinn, het die erschti sich in Fasnachtskäller vom Hanspi Bucher am Leonhardsgraabe 43 begää. Deert isch zwische dr Burkhardtsche Stadtmuure – wo me bym Huusumbau vor e baar Joorzäänt gfunde het – und dr aigentlige Stadtmuure e feyne Apéro offeriert worde.
Wiider zrugg het is dr Christoph Philipp Matt dur d Joorhundert vo dr Lienertskirche gfiert. S Spezielle an dr Lienertskirche isch die mächtigi Halledeggi. Die verlauft vo de baide Ussemuure über die baide Syte- und s Mittelschiff. E yydrügligi Bau-maischterkunscht, wie me uus de aagfiegte Foteli ka entnää.
Zem Abschluss vo däm Noomidaag isch me zem gmietlige Dail ze de Lepmuure in d Stuube am Pfäffergääsli 11. Deert hänn is dr Stuubeknächt Werni mit de baide Stuubewache Mario und Christian verwöhnt.
Allne wo ze däm interessante und lehrryche Aaloos – im bsundere de Herre Hanspi Bucher, Peter Kraus und Christoph Philipp Matt – e ganz grosses Danggerscheen!