Bassive- Aaloss 2018

Samschtig, 22. Sebdämber 2018, 14.30h,
Bassiveaaloos im Bakelite-Museum z Arlese am Schorewääg 10
Dr Hanspi Buecher als Bassivebysitzer vom Stamm het die Aawäsende begriesst und zämme mit em Peter Kraus, wo dä Museumsbsuech vorgschlaage het, als Aggtive- und Bassiveverantwortlige vo dr Alte Garde, dä Bassive-Aaloos emool anderscht  organisiert! No dr Begriessig het dr Hanspi im Sammler Jörg J. Zimmermann s Woort übergää.

E so zieeht me en uff …

… so goot em dr Pfuus uus!!!

Unter em Namme Bakelit isch dr erschti vollsynthetischi, industriell produzierti Kunschtstoff härgstellt und vermarktet woorde. Dä isch 1905 vom belgische Chemiker Leo Hendrik Baekeland entwigglet und noch iim gnennt woorde.
Wie entstoot Bakelite?
Dr Leo Hendrik Baekeland experimentiert Aafang vom 20. Jahrhundert mit Phenol und Formaldehyd. Är entdeggt, dass die Stoff in ere exotherme Reaggzioon zem e Kunschtharz polymerisiere. No em Entfärne vom entstehende Wasser losst sich die no waichi warmi Masse (so genannti Prässmasse) in Forme prässe und durch Wärmi und Drugg erheerte. No em Abkiehle und Uusheerte vom Kunststoff isch dä widerstandsfähig gege mechanischi Yywirggige, Hitz und Süürene. Im Gegensatz zu Thermoplast losst sich Bakelit au dur Erweerme nit wiider verforme. Es isch allerdings relativ sprööd, so dass Gegenständ uus däm Material, z. B. bym Uffprall uff e Bode, kaputt go könne.

Es git vyyl z erglääre und Episode zverzelle.

Delifoon, Glettyyse, Föön, Staubsuuger, Wegger, Picknikgschirr, e Brilledrääger und e Schwerhöörige usw. in alle Forme

E soo goots wyters dur die Sammlig bis zem Apéro riche.

Vyyle Dangg an Hanspi Buecher und Peter Kraus für d Organisazioon vo däm interessannte Museumsbsuech.
Zem Schluss bedanggt sich dr Hanspi no bym Sammler und Museumsdiräggter Jörg J. Zimmermann.