Isch unseri Stammdischlampe jetzt ändlig aakoo?
No dr erschte Probestund im neye Johr hänn mir am 5. Januar zämme mit unsere Frind vo de Rumpler und de Gliebiire mit em e Gleesli Wysse aagstosse uff s Neye Joor und dr ney Standort vo unserer Stammdischlampe im undere Ruum vo dr Rumpel Stube.
Unseri Lampe het en intressanti Entstehigsgschicht und e woori Odysse hinter sich:
Kurz vor dr 2. Fasnacht 1990 vo de Altgardischte, wo dozmool jo no „Gniembbi“ ghaisse hänn, iberrasche iri Fraue d Clique mit em Gschängg vo dr erschte Schyybe und em ene Gäldsagg fir e Stammdischlampe. D Fraue hänn das Gäld an ihre Stämm gsammlet. Die Schyybe, d Bodeplatte mit em Gniembbi-Signet und die andere 4 Syteschyybe, het dr Hans Bertschmann entworfe und d Glaskinschtlere Noemy Rehberg gmoolt.