Ab em Zischtyg 17. Novämber 2015 isch z Schönebuech vo de siibeni Zoobe by Kraus an dr Zollstrooss 7 s Larveatelier wiider offe. Es sinn alli aggtive Glieebiire, Rumpler und Altgardischte häärzlig zer Mithilff under em Motto yyglaade:
„Alli sinn derbyy an dr
Fasnachtsvorberaitig“
D Detail kasch do uff dr PDF aabelaade >> Öffnigszyte Larveatelier 2015-2016
Das Joor isch es e weeneli speziell gsi, will dr Scheff, Scheff, Scheff ab uff Brasilie isch und deert syni Fiess no mit andere Rootgardischte in Sand und s Meer ghebt het!
Es isch aber besser gange, will dr Scheff, Scheff, Scheff drey Wuche lang nit dryy-gschnurrt het!!¨Isch das e feyns schaffe gsi!!! Z Basel im Atelier an dr Allschwiler-strooss 42 sinn no speziell gwinschti Hiet entstande.
Fascht zem Schluss griege die grundierte Larve under dr Aalaitig vom Dätt e Gsicht. Im Atelier am Heimgaarte 15 sinn die baide Dambuurmaioorekepf in de Händ vom Dätt entstande.
