No däm haisse Summer und däm wunder-scheene Altwybersummer, wo die droggene Blätter nur so falle, dräffe sich d Dambuure vo dr Rumpel Clique 1923 und dr Wettstai Alti Garde am Mäntig, 18. Jänner 2016, 19.00h uff em Parggblatz vom Eglisse ze-nere Marschiebig in dr Lange Erle.
Die kennt denn nimme so drogge syy und me muess allewyyl mit kalte Finger und und verschneite Wäägli rächne.
Dr Petrus isch dä Winter bis jetzt gnädig gsi. Dorum isch die Dambuuremarschiebig ooni verschneiti Wäägli in dr Lange Eerle bis zer Schliessi abgloffe. Dr Alain het e Fraid ka und gmaint es isch doch eppis vo synere Instruggzioon dur s Joor dure hange blyybe und guet uff s Fäll iiberdrait woorde. Im glaine Clubbaizli vo dr Schliessi het dr Alain e feyns Kääsfondue uffdische losse. Es het allne gmundet und nur unter Männer – wie ze alte Zyte – zenere haitere Stimmig gfiert! E grosse Dangg goot no an Drummelscheff Mario, fir d Yylaadig vo me Fremdling. Sorry fir die verschwummene Outdoorfoteli.
E digge Pfyffer
