Mäntig, 20. Juli 2015, 18.30, dr Dräffpunggt isch z Allschwil vor dr Alte Dorfkirche.
Organisazioon Rumpel Clique 1923 dur e Koni Hauser.
E Rundgang mit em Max Werdenberg im alte Sundgauerdorfdail.
Am e haisse Summerdaag hänn 15 Rumpler, 13 WAG -ler und 5 Glieebiire em Max Werdenberg zue-gloost. wie är in dr Alte Dorfkirche mit Daate uus em 17te Joorhundert über dä dänggmoolgschützti Bau glänzt het. Hooch interessant isch denn au dr Gang ze de Sundgauerhüüser woorde, wo dr Max Werdenberg d Gschicht vo mängem Rie-gelhuus kennt und verzellt het. Im Gnoche – gmaint isch dr Elsässerhoof – hämmer denn dr Durscht, wo an däm haisse Summerdaag seer grooss gsi isch, gstillt.
Es isch e dolle Aaloss gsi. E grosses Danggerscheen an Koni Hauser für d Organisazioon.