13. Rumpel-Boule-Turnier
Am Mäntig, 06. Juli 2015, 18.30h isch Besammlig bym Pavillon uff dr Schütze gsi. Bi däre Hitz het me sich zerscht mit Flüssigem aabekielt. Denn het dr Gilles Kreis jedem/jedere e Startnümmerli uff d Bruscht gläbbt und em e Partner/in zuedailt. Dodrmit isch s 13. Rumpel-Boule-Turnier lanciert woorde. Im Gsamte sinn drey Boule-Runde uusdrait woorde.
Es het nit besser kenne sy. Zem Stäche mit glyychvyyl Pinggt sinn je e Glieebiire, Rumpler und Altgardischt zem Final aadrätte. Als Sieger uus däm Trio Christine Widmer (G), Rolf Zimmermann (R) und Dätt Marti (WAG) isch dr Dätt uuseko. No em Heinz Geiger, isch dr Dätt Marti dr 2. WAG Rumpler-Boule-Champion und so blyybt dr Pokal für e wyters Joor fescht in Wettstaihand!
Denn simmer no in Gaarte vom Schützehuus und hänn d Fründschaft pflägt.
