Am Mäntig, 03. Auguscht 2015, ab 18.00h, an dr Hiltalingerstrooss (Drämli Nummere 8) vor em Zoll Weil Friedlingen, linggs em Gränzwägli entlang bis an Rhy. S Grillguet, dr Salat etc. bringt jede sälber mit. Alli Gedrängg beziet me vor Ort. Organisazioon Rumpel Clique 1923. Dä Aaloss findet by jedem Wätter statt!
E munteri Schaar vo Rumpler, Glieebiire und Wettstai Altgardischte hänn sich bym Bootshuus vom Ruederclub am Fuule Egge droffe. Wie me de Foteli ka entnää het d Grillade rächt guet gschmeggt an däm stille scheene Ort unterhalb dr Haafeyyfaart bym Dreiländeregge. Im Bach het me sich no könne abkiele.
Em Rumpler Koni Hauser vyyle Dangg für d Organisazioon.