Am Zyschtig ka me alli Freihaite gniesse. S isch dr Daag vo dr Kinderfasnacht, de Schyssdräggziigli, dr Ladäärneuusstellig und vo de Guggemuusige.
Allewyyl häärzig die Kinderziigli.
S Schyysdräggzigli vo de Rumpler isch am Zyschtig au unterwägs. No em Midaagässe stoot me im Pfäffergässli yy und paradiert via Seibi uff e Minschterblatz zem d Ladäärneuusstellig zgniesse.
D Basler Fasnacht isch jetzt Unesco Kulturerbe, wie e Uustellig u.a. mit unserer Ladäärne im Heefli vom Museum der Kulturen zaigt.
D Ladäärneuusstellig isch aifach e Bracht!
Die Foti hänn d Voordrääbler Marcel und Koni zer Veriegig gstellt. Vyyle Dangg.
-
- Vordersyte RC 1923 – WAG – DLG
-
- Ruggsyte RC 1923 – WAG – DLG
-
- Revoluzzer
-
- Lälli Clique 1902 Stamm Vordersyte
-
- Lälli Clique 1902 Stamm Ruggsyte
-
- Seibi Basel 1933 Stamm
-
- Die Aigedlige
-
- Basler Zepf Ziri d Vordersyte
-
- Basler Zepf Ziri d Ruggsyte …
-
- … und d Sytediirli
-
- Basilisgge mit dr Spinner-Clique Vordersyte
-
- Basilisgge mit dr Spinner-Clique Ruggsyte
-
- Basler Bebbi Stamm
-
- Basler Bebbi Stamm e Syteaasicht
-
- E hämpfeli Spootzinder
-
- Pfluderi Clique Alti Garde
-
- Breo Clique 1896 Stamm Vordersyte
-
- Breo Clique 1896 Stamm Ruggsyte
-
- Barbara Club Alti Garde
-
- Gundeli Clique Stamm
-
- Schnoogekerzli Stamm
-
- Rhygwäggi Stamm
-
- ? nit uusegfunde
-
- Schnooggekerzli Alti Garde
-
- Alti Glaibasler
-
- Wettstai Stamm vorne
-
- Wettstai Stamm hinde
Larve aaleege und wiider yystoo!
Dr Schlisselbäärg ab goots zrugg in s Heefli zem dradizionelle Guggekonzärt vo de Jeisi Migger 1926. Vor em gniesse, hänn mr no Disch und Bängg uffgstellt!
-
- dr Kameramaa vo Telebasel isch …
-
- … mr duurend vor d Linse gstande!!!
Vo däm Outdoorkonzärt het me sich no im Käller uffgwärmt!
Vom Rumpelheefli sinn mr, grad no bizyte über dr Brugg vor dr groosse Guggeparade dure, in die unteri Rhygass zer Kasäärne in s Parterre go Znacht ässe. No em Znacht hänn mr im Glaibasel gässlet und sinn um die Zwelfi wiider zrugg in dr warmi Rumpel-Käller zem dr Zyschtig uuslauffe z losse.
