Dr Vordraab het e groossartigs Requisite no de vibrierende Baslerdate für e Cortège zämmebaut!
Jetzt stoot das Requisite am Wettstai- Groossbaslerbruggekopf bym Basilisgg uff dr ussere Route vom Cortège baraad und wiird bestuunt.
-
- dr Claudine(+) iir Wärgg …
-
- … für d Narrebaschi …
-
- … Binggis
Yystoo und am halber Zwai „Vorwärts Marsch“ für uff e Wääg über d Wettstaibrugg am Comité verbyy zem 1.Halt by dr Mäss !!!
Unterwägs an dr Riechedoorstrooss zer Mäss.
Dr 1. Halt by dr Mäss am Riechering im Reschtorant Wurzegraabe.
Am Riechering yystoo und yyfäädle in d Clarastrooss am Comité verbyy zem 2. Halt im Rappaz-Museum.
Dr 2. Halt im Rappaz-Museum.
Dr Dambuurmaijoor danggt de Spänder und dr Sau für d Verpfläägig im Rappaz-Museum!!!
Vom Rappaz-Museum goots wyter zem 3. Halt an dr Schnyydergass!
Do zien d Basler Bebbi dure und dien sich sälber Kaschteye!!!
S Znacht gits em Papa Joe’s!!!
No em Znacht wiird mit de Partner zer Schiffländi gässlet. Vo döört goots mit alle drei Ladäärne mit de Wettstai Knorzi , em Stamm und dr Alte Garde zem Schnabel und no em gmainsame Halt zem Dreizaggbrunne in dr Freie. Do duet die Alti Garde sich wiider de Rumpler und Glieebiire aaschliesse, ze däne mittlerwyle no Chambre Separée derzue gstosse sinn. Bis zem Ladäärne lösche am Lienertskirchblatz sinn no zwai Hält in dr Walliser Kanne und by dr Harmonie. No dr Ladäärneverabschiidig isch dr Abschluss mit em Wettstaimarsch vor dr Rumpelstuube!!!
Zem Uusglang vo däre droggene, aber metereologisch kiele schööne Fasnacht 2018, het im Rumpelkäller no dr Schnitzelbangg Brunzguttere zem Schlummerdrungg gsunge!!!