Mittwuchoobe bis zem Ändstraich

Nooch em Nachtässe het is dr Wettstai Stamm mit de Knorzi uff em Seibi begriesst und zur ere gmainsame Rundi in d Mitti gnoo. Vo dr Schiffländi sinn mir wiider ellai zem Luftgässli wyterzooge und denn in d Walliserkanne. Vo deert uff s Weschtplateau dr Spaale- und Noodlebäärg uffe zer Harmonie … … und denn iiber … [Read more…]

dr Mittwuch

Dräffpunggt zem Cortège, 13.15h bym Basilisgg an dr Wettstaibrugg. Yystoo und Abmarsch 13.30h uff dr ussere Route.  E droggene kiele Mittwuch hänn d Wättergötter voruusgsait. Mit däre Uussicht isch me gärn yygstande. S Comité uff dr Wettstaibrugg duet griesse losse. Iiber e Wettstaiblatz, Hammerstrooss, Riechestrooss goots … … zem erscht Halt am Riechering in dr Piano … [Read more…]

dr Zyschtig

Dr Zyschtig isch dr Daag vo de Stuubete, Schyssdräggziigli, Gugge und au vo de Kinder. Nit versuume deerf me uff em Minschterblatz die Brachtsuusstellig vo de Ladäärne. Mit eme Abstächer in s Glaibasel und dr Wäggselstimmig uff em Minschterblatz isch dä windig kiel Zyschtig au verbyy gange. 

dr Mäntig

Am fimpfi Zoobe isch me im Luftgässli yygstande und dr Stainebäärg ab am Comitè verbyy bis zem erschte Halt an dr Stryytgass. Vo deert ischs wyters gange bis zem Schliissel zem Znachtässe. No däm spezielle Znacht isch s Gässle bis spoot in d Nacht aagsait gsi. Scho isch dä langi aasträngendi Mäntig wiider verbyy!

dr Morgestraich

Wie allewyyl isch me am Moorge vor de Vieri an dr Yysegass als Wettstaifamilie zämme mit de Knorzi und em Stamm yygstande. Do die Alti Garde kai aigeni Ladäärne me het – me het nur no Aini zämme mit de Partner – isch die an dr Huetgass by de Rumpler und Glieebiire gstande. Mit em … [Read more…]

Ladäärnevernissage Nr. 2

Die zwaiti Vernissage het im Grais vo dr ganze Wettstai wie allewyyl im Hoof vom Waisehuus stattgfunde. Die Neustämmige hänn die vom Altgardischte-Obmaa Peter Meyer offerierti Määlsuppe uusegschöpft. Vyyle Dangg fiir die spendaabli Scheste. Dr Obmaa Pius Keller vom Stamm het denn begriesst und dur d Mooler vo alle drey Ainhaite d Ladäärne vorstelle losse. No dr Vernissage … [Read more…]

Ladäärnevernissage Nr.1

Sunntig, 14. Hornig 2016, 17.30h im Hööfli vo dr Rumpelstuube Dr Obmaa vo de Rumpler stellt by dr Begriessig zer Ladäärnevernissage fescht, dass es in dr iiber 90-zig jeerige Gschicht vo dr Rumpel Clique 1923 erscht s dritte Mool isch, dass s  Ladäärne yypfyffe mit em Valentinsdaag zämme fallt. Jetzt isch au glaar an wär die vyyle Mimoosebluemestrüss verdailt wäärde. … [Read more…]

Fasnachts- oder Zuugsdailnämmersitzig

Zuugsdailnämmersitzig isch am achti Zoobe in dr Rumpelstuube. An dr Zuugsdailnämmersitzig isch d Rumpelstuube wiider emool voll gsi. Dr Obmaa vo de Rumpler het d Sitzig pingtlig eröffnet und alli Aawääsendi vo de Glieebiire, dr Wettstai Alti Garde und de Rumpler begriesst. Denn het sich dr Dambuurmaioor vo de Rumpler in Väärsform zem Sujet güsseret und aaschliessend … [Read more…]

Zwaiti Marschiebig in dr Safruits

Am Mäntig 01. Hornig 2016, 20.00h findet in dr Safruits z Minchestai die zwaiti Indoor-Marschiebig statt. Die zwaiti Marschiebig in dr Safruits under dr Laitig vo unserem Schlyffer isch no vyyl intensiver gsi, als die vor ere Wuche. Wie me uff däm Film ka gsee, het dr Christian uns e so richtig gschlyffe. Allwäg het är uns mit ere junge Garde verwäggslet! … [Read more…]

Erschti Marschiebig in dr Safruits

Am Mäntig 25. Jänner 2016, 20.00h deerfe miir wiider in dr Safruits z Minchestai die erschti Indoor-Marschiebig abhalte. Es isch nit sälbschtverstäntlig, dass mir die Meegligkait griege, in dr droggene und windfreye Halle unseri Schrittfeschtigkait kenne ziebe. Dooderfiir vyyle Dangg em Gilles . Die erschti Marschiebig in dr Safruits under dr Laitig vo unserem Schlyffer isch seer intensiv … [Read more…]