Die Sujetpräsentazioon isch nit wie allewyyl gsii. Dr Obmaa Peter vo dr Wettstai Alti Garde begriesst und wynscht dr erschtmoolig verantwortlige SUKO-Ob- frau Brigitta vo de letschte Glieebiirli e bluemige Erfolg mit dr Sujetkommission!
No däm erschte Aggt het d Brigitta druff hiigwyyse, dass zwanzig Vorschleeg yygange sinn. Was uus däne entstande isch dien jetzt dr Megge und dr nei Zuugskinschtler vorstelle. Dr Megge wyyst uff sy Spruch am Aescheblatz no em Herbschtbummel hii, wo noodäm dr Kurt mit em 3er Drämli vo dr Haltstell wäggfahre isch, är gmaint het: Was macht dr Kurt im 3er? Derno het dr Megge zem Sujet bassend mit ere Timeline seer wyt in Zuekumpft gluegt. Dr Inhalt drvo ka me uff dr Fasnachtszeedelruggsyte entnää!
Dr Luca isch denn mit eme Aggtekoffer aagruggt. E weeneli länger isch s gange bis dä Koffer uffgmacht gsii isch. Dr Luca het no Gummihändsche aaglegt und in däre Zyt vo sich und wie s Sujet entstande isch verzellt. E Archäoloog hätt s nit besser gmacht! E spannendi luschtigi Sach hänn die Zwai abzooge!
-
- dr Luca Vicente …
-
- … dr neu Zuugskinschtler
-
- dr dräägig Fätze …
-
- …wiird mit de Joor …
-
- … zem hailige Fätze
-
- die drei Kultige
-
- dr ganzi Zuug
Die Sujetvorstellig für d Fasnacht 2017 isch e Highlight gsii. So vyyl isch scho lang nümme by dr Präsentazioon glacht woorde. Jetzt goots an s Umsetze dur d Sujekommission.
-
- dr Obmaa Peter maint …
-
- … jetz isch d Suko-Obfrau dra!
