Fasnacht 2017


Morgestraich

Will me als Aggtive nit glyychzytig ka pfyffe/drummele oder filme/fotografiere ka, isch jetzt d Diräggtiibertragig vom Morgestraich vo Telebasel aabeglaade. Bym gnaue aaneluege ka me vor em Morgestraich no bikannti Wettstaigsichter gsee.

Dr erschti Dail hänn d Knorzi, dr Stamm und die Alti Garde zämme, vo dr Yysegass iiber e Määrtblatz, d Freie Stroos uff in d Stryytgass, zem erschte Halt in dr Wysse Gass in Rekordzyt gschafft.
Do s Casino umbaut wiird, het dr Rumpler-Dambuurmaioor, statt em Hans Hueber Saal, kenne e Sääli an s Papa Joe‘s aagliideret organisiere. Wiider het är sehr groosszügig Määlsuppe, Kääs- und Ziibelewaie spendiert. E groosses Dang- gerscheen. Denn sinn die Alti Garde mit de Rumpler und de letschte Glieebii- re mit e baar Spritzer vom Petrus wyters zooge. By Daagesaabruch het me wie allewyyl im Stadthoof s Zmoorge gnoo, um gsteerggt bis am

Vom Papa Joe’s sinn die Alti Garde mit de Rumpler und de letschte Glieebiire mit e baar Spritzer vom Petrus wyter zooge. By Daagesaabruch het me wie al- lewyyl im Stadthoof Zmoorge gnoo, um gsteerggt bis am Zwelfi wyters zgässle. In dr Kunscht- heeli isch no dr Apèro vo dr Sau zaalt woorde. So het me dr Mor- gestraich im Rumpelhööfli üsserlig drogge abgschlosse. Nochzhoole isch no, dass an dr Schiffländi no im Dunggle aine abhande koo isch! Wieso au?

dr Mäntignoomidaag

Yygstande sinn mir Altgardischte erscht wiider am fimfi Zoobe mit de letschte Glieebiire und eme Dail Rumpler uff dr innere Route im Luftgässli. Vo deert isch es im Rääge via Banggeblatz diräggt dr Stainebäärg ab, am Comité verbyy, zem Seibi mit em Halt zem Nachtässe im Papa Joe’s. Im glaine Sääli im erschte Stogg het me gmietlig kenne uff Stiel hogge und s wunderbaare Znacht gniesse. Dää wo am Moorge verloore gange isch, het is au wiider gfunde! Är het d Stiel au bequemer gfunde, als die Stroofbängg im Schlüssel! No däm amerikaanische Znacht isch s Gässle bis spoot in d Nacht aagsait gsii. Scho isch dä langi aasträng- endi Mäntig wiider verbyy!

dr Zyschtig

Dr Zyschtig isch dr Daag vo de Kinder, Schyssdräggziigli, Gugge und au vo de Stuubete.

Die Rooti Garde isch das Joor zem 50-zigschte Mool am Zyschtig uff dr Gass. Das het sii uff d Idee zem e bsundere Apèro brocht. Dr -minu isch go hälffe aastoose, aber nümme mit Gaggo, wie sällmool bym Schiesser. Gratulazioon und Broscht Gaggo uff e Zychtigsziglibrunne am Määrtblatz!

No em Mittagässe isch s Pfäffergässlischyssdräggziigli yygstande und via Seibi an d Ladäärneuusstellig uff e Münschterblatz.

 

Nit versuume deerf me uff em Münschterblatz die Brachtsuusstellig vo de Ladäärne.

Die scho fascht dradizioonelli Stuubete im Hinterhööfli vom Rumpelkäller het das Joor mit de legendäre Jeisi – Migger Gugge 1926 wiider kenne stattfinde. Sii sinn das Joor zem 91-zigschte Mool am Zyschtig unterwägs gsii. Das mit Altgar- dischte vo dr Wettstai und de letschte Glieebiire verstärggte Zyschtigsziigli vo de Rumpler het iire Uffdritt in iire uffbloosbaare Goschdyym gnosse. Dr Martin het no dr Peperoni überrascht, indäm är zem 30-igschte Jubileeum gratuliert und e  Guetschyyn vo alle aawäsende Ainhaite für e groosse Bluemestruss gschänggt het. Zem Abschluss vo däre Stuubete het me mit de Jeisi Migger 1926 zämme em Peperoni no dr Wettstaimarsch gredänzt.

Im Rumpelkäller isch denn no e Apéro vor em Znacht offeriert woorde. E Dangg an Spänder!

Vom Rumpelhööfli isch me no em Apéro Richtig Kunschthööli zem Nachtässe zooge!
No em Znacht isch me vom Banggeblatz mit em Drämli an Wettstaiblatz dislo- ziert. Dr Zyschtigoobe het me verstärggt mit de Chambre Séparée im Glaiba- sel verbroocht und zem Schluss dr Zyschtig im Rumpelkäller u.a. mit em Schnit- zelbangg Brunzguttere uusglinge losse.

Scho isch au dr zwaiti, aber droggeni scheeni Fasnachtsdaag wiider verbyy!

dr Mittwuch

Am Mittwuch sinn mir Altgardischte zämme mit dr Rumpel Clique 1923 und de letschte Glieebiire, am halber Zwai, oobe an dr Wettstaibrugg bym Basilisgg, uff dr ussere Route yygstande. E griene Zuug vo ca. 50 Aggtive mit de Truk, Kürt und Oh-Kurt, em Requisit, ainere Ladäärne und nur no mit aim Dambuurmai- oor, em Koo-Ni-Hau, sinn mir über d Wettstaibrugg am Comité verbyy stol- ziert. Voruus dr Vordraab, wo sälte zrugg luege duet, aber s Requisit, mit em im Raame yygspannte hailig Fätze, isch dr ainzig Grund zem ame zruggluege!

S Erschtlingswärgg vom Luca Vicente isch scho an dr Ladäärnevernissage vorgstellt woorde.
Au das Joor isch e guete doppelsytige Zeedel under d Lüt verdailt woorde, wo uff dr Vordersyte dr Zeedeldichter s genau uff e Punggt bringt, wie s Sujet ent- stande isch. Als Ergänzig zer Sujeverständligkait, dient uff dr Ruggsyte em Megge sy Zytrais dur s näggschte Joorduusig!
D Vordrääbler, Pfyffer und Dambuure sinn als Truk (gääle Spitzhuet), Kürt (veielette Dreieggs-huet) und Oh-Kurt (blaue runde Huet) durmischt uff em Cor- tège underwägs. Dr Dambuurmaioor mit dr gooldige Groone isch dä Kynees Koo-Ni-Hau, wo uff dr Völggerwanderig im Joor 2514 am Gniggfluss bym Pflanze vo Häärdepfel uff en uuralte Stofffätze gstoosse isch!

Via Wettstaiblatz und Riechedoorstrooss isch dr erscht Halt an dr Mäss by dr Piano Bar gsii, wo me sich e weeneli gstäärgt und droggned het.

Via Clarastrooss am Comité verbyy sinn mir am Clarablatz in d Räbgass yybooge und in s Glaine Glingedaal gloffe.

Im Rappaz Museum hänn mir bym e längere zwaite Halt verpflägt. D Konsuma- zioon isch ze Laschte vo dr (Sammel-) Sau und wytere Spänder gange. E häärzligs Dangge!!!!.

No längerer Zyt het denn dr Dambuurmaiior Martin zem Yystoo bym Glaine Glinggeli uffgrueffe.  Bym Baum nääbem Rappaz Museum het e überraschende Zytsprung in s Joor 2514 statt-gfunde. Vo dr Glooschtersyte här sinn daatsächlig drei Kyneese am Gniggfluss uufdaucht und hänn am Fuess vo däm Baum dä dläägig Fätze gfunde. Bym wytergraabe isch sogar no e gliene Lumpe, wie e Stügg Dlämli und denn no e uulalts Dlämli zem Vorschyyn koo! E sauglungene Gag!

Über d Brugg und via Rumpelhoof sinn mir uff e Seibi und  im Papa Joe‘s go Znacht ässe!

Nooch em Nachtässe het is dr Wettstai Stamm mit de Knorzi uff em Seibi begriesst und ze-nere gmainsame Rundi in d Mitti gnoo. Wyt voruus dr Vor- draab mit de drei Ladäärne, denn d Dambuurmaiiore, d Dambuure und d Pfyffer. E so isch me zämme bis zer Schiffländi paradiert. Wunderbar, wie die Uurgwalt vo däm Riiseharscht in de Gasse vo de Hüüser wiiderhalt het . E häärzligs Danggerscheen an d Knorzi und Stamm, dass mir Alte scho dradi- zionell wiider hänn deerfe mit yystoo!

Vo dr Schiffländi sinn mir wiider ellai zem Luftgässli wyterzooge und denn in d Walliserkanne, …

… vo deert uff s Weschtplateau dr Spaale- und Noodlebäärg uffe zer Harmonie
… und denn iiber e Obere Heubäärg zem Lienertskirchblatz. By dr Lienerts- kirche hänn mir dr Ladäärne für d Fasnacht 2017 mit em Wettstaimarsch adie gsait!

 

 

Zem Ändstraich hänn mir uns by dr Frau Fasnacht  im Pfäffergässli vor dr Rumplerstuube mit em Wettstaimarsch verabschiidet und abgschlosse hänn mir die scheeni Fasnacht 2017 bym e Schlummerdrungg im Rumpelkäller.